Une bande sonore de Missie Moustass hier a levé davantage le voile sur le rôle de courtier de Rakesh Gooljaury auprès du Premier ministre sortant et leader de L’Alliance Lepep, Pravind Jugnauth, avec une conversation entre les deux portant sur des manœuvres de Roshi Bhadain, d’une éventuelle PNQ ou encore une contribution pour le 1er d’un promoteur de Smart City.
PM : Alo.
Gooljaury : Alo nek mo dir ou de zafer.
PM : Wi.
Gooljaury : Ena Akilesh Deerpalsingh ek Roshi pe fer enn zafer mo krwar lor Advance.mu sa. Zot pe larg ban zafer lor Maradiva so ban loan, so ban zafer. Mo krwar a lepok Sanjiv ti donn Roshi so ban dosie pou gete ar SBM.
PM : Hmm. Weh.
Gooljaury : Ek Sattar tousala. Mo krwar zot ti get Roshi a lepok pou regle ban problem Maradiva. Li ena tou sa ban dosie la.
PM : Hmm.
Gooljaury : Mintenan li pe larg sa li ek Akilesh. Sa mo ti pe signal Number 1.
PM : Hmm.
PM : Number 2 sa boug Foo Kune ek so madam, Paul Foo Kune ek so madam, mo pa kone ou bizin tiek ar imigrasion ena enn dimounn sir fin dir mwa Angleter mo krwar linn al zwen Roshi laba, li ek so madam.
PM : Hmm.
Gooljaury : Pa kone ki zot pe fer laba sa 2. Ek trwaziem pa kone ki panik fin deroule. Reena ti sonn mwa taler la ek Roshi. Li pe pran vol demin pou rantre dimans.
PM : Hmm.
Gooljaury : Ok mo pe signal ou sa.
PM : Non be kinn arrive ?
Gooljaury : Mo pa kone. Li pe dir banla pe fatig li lor so ban zafer Britam, lor so ban zafer tousala, li pe bizin vini. Banla pe tro fatig li ban zournalis si pa kwa. Pa kone ki li pe dir mwa.
PM : Hmm Be find out.
Gooljaury : Weh mo find out. Apre pou PNQ lundi li pou dir mwa. Kapav li pou lor ladrog ou ledikasion.
PM : Hmm.
Gooljaury : Ok. Kapav Madam Dookun, ladrog li pou ou mem.
PM : Wi wi.
Gooljaury : Samem mo ti pe signal ou. Ek apre sa missie ti vinn get ou, semen dernyer ou ti zwen zot pou Smart City-la la.
PM : Euhh. Kisanla sa ?
Gooljaury : Samem Domaine Les Pailles-la.
PM : Weh weh.
Gooljaury : Banla ti anvi fer kontribision 1er mai, zot pou kapav ?
PM : Wi biensir zot kapav.
Gooljaury : Ok. Samem mo diman ou sa. Pou Ramen la, kapav zwen li weekend Sawmynaden ?
PM : Mo pa kone, Mo bizin tiek enn kou mo gete.
Gooljaury : Ou fer mwa konn enn kou. Lerla mo pou tiek sa bann linformasion la, nek mo pou fer ou kone, li pou la pou Parlman mardi.
PM : Wi.
Gooljaury : Apre ou kapav rant lor enn sit, li ek Akilesh pe fini forward sa par whatsapp tou dimounn-la, mo kapav avoy ou par whatsapp ou gete ki pe sirkile lor Maradiva.
PM : Dakor.
Gooljaury : Roshi ek Akilesh ki pe fer sa ein.
PM : Hmm.
Gooljaury : Lor Maradiva.
PM : Yeah.
Gooljaury : Ale Pravind. Apre ban biye-la monn fini kit ek Bassoo ein. Monn kit 100.
PM : Dakor mersi.
Gooljaury : Ale Pravind.
PM : Ok ale bye.
Gooljaury : Check ou whatsapp mo forward ou li deswit.
PM : Wi wi mo check li taler, la mo okipe la.