- Publicité -
Ni lasenn ! Ni met ! Kriye dan marenwar,
Maron pe sove ! Fwet pe tap brit lor lari.
Seki Kod Nwar finn kite, lesklavaz inn konn li,
Kasiet lao Lemorn, zarden lespwar pe grav Listwar.
Dan koloni, Ildefrans, Lafrik, Madegaskar,
Nwar kot blan amare dan mem kan,
Saser maron, lisien, fizi abriti dan zot plan,
Lespri bann zanset inn fer zot lizour vinn aswar.
Vag laviolans, laper anvai tou plantasion,
Divan lamour liberte danbwa soufle mari for,
Dan tou so boure la, maron finn kree nasion.
Dan leker revolt, pran nesans enn serk linite,
Lor leritaz ranpli ar lakoler, lorer ek lamor,
Maron la ranz so premie sitadel lakorite…
Oktob 2024