Pandan selebrasyon Zurne Internasyonal Lang Maternel mwa dernye finn ena plizir priz pozisyon anfaver servi lang Kreol kuma medyom pu montre dan lekol. Ena sertin komantater ki pe panike, dir, “Abe, pena liv nonn-fiksyenn an Kreol!” Par kont, dimunn ranseyne, kone ki ena. E zot kone li pa pran lontan pu kree nuvo liv nonn-fiksyenn si buku dimunn donn kudme.
Dan Tab Rond organize par Akademi Kreol Repiblik Moris dan MIE plizir orater lor panel, parmi kad MES, lektyurer MIE ek reprezantan Terre de Paix ek Ledikasyon pu Travayer finn koz anfaver introdiksyon lang Kreol, uswa bileng Kreol-ek-Angle kuma medyom pu anseyn size kuma Syans, Matematik, Listwar. Medyom vedir liv dan sa langaz la, explikasyon presi dan sa langaz la, lexame dan sa langaz la.
Dan lansman Revi Sians ek Konesans Pou Tou Dimounn (Volim 1) pibliye par Creole Speaking Union, direkter Rajiv Gandhi Science Centre finn koz dan mem direksyon. LPT salye piblikasyon sa volim la ki regrup 3 text gaynan Konkur Lekritir Text Siantifik organize par CSU an 2020. Sa piblikasyon la vinn azut dan panopli literatir nonn-fiksyenn ki finn pibliye deza an Kreol. Piblikasyon text nonn-fiksyenn an Kreol, sirtu syantik ek teknik, form parti baz materyel neseser pu itilizasyon Kreol kuma medyom.
Depi bann lane ’70 ena plizir livantye, lartik revi ek ribrik lagazet ki finn prodir e pibliye dan sa kategori la. Sirtu sa travay la finn fer par Lalit, LPT, MLF, buku sindika ek lezot lorganizasyon ki nepli existe kuma MMMSP ek Playgroup. Mazorite sa bann text la finn prodir dan muvans aksyon kolektif, par exanp, sindika finn tir kopi lalwa travay (Award) pu zot sekter. Piblikayson sa bann text la, par zot-mem, ti form parti enn muvman kont sa represyon konstan ki langaz Kreol, langaz lepep Repiblik Moris, finn sibir, e ankor pe sibir zordi. Represyon la, enn dan lot, li sorti direk depi Leta. Kanpayn mobilizasyon konbine ar sa travay pu pibliye text dan langaz Kreol ki finn amenn lotorite aksepte Kreol ekrit.
Dan kad sa panik ki pena ditu “text nonn-fiksyon” an Kreol, LPT finn prepar e pe sirkil enn lalis provizwar bann piblikasyon nonn-fiksyenn depi so arsiv dan GRNW. Nu finn perdi enn sertin nonb piblikasyon presye dan linondasyon an 2013, me buku finn sirviv. Alor nu pe kontiyn met azur sa lalis la. Tu dimunn ki konn lezot liv nonn-fiksyenn ki pa lor sa lalist la kapav avoy LPT.
Enn lalis kelke liv nonn-fiksyenn an kreol (pibliye par LPT, par lorganizasyon otur LPT, ubyin kot ena enn exanpler dan Arsiv LPT apre linondasyon)
Abortion Argument Kit – pibliye par Muvman Liberasyon Fam, ekrir par so manb, bileng.
Abou Haneefah et Mazhab Hanafee (en Creole) – pibliye par Safeenat-ul Mustapha SAW
Agrikiltir, Agro-Indistri, Elektrisite: Politik Ekonomik Alternativ – pibliye par LALIT, ekrir par so manb
Akimilasyon Kapital – par Rosa Luxembourg, tradir par manb LALIT, pibliye par LALIT
Alfa Ennbuk, ekrir par manb LPT, pibliye par LPT
Almanak Travayer – 1980, 1981, 1982 – pibliye par LPT, ekrir par so manb.
Anu Koleksyonn Folklor Moris – par Lee Haring – tradir par manb LPT, e pibliye par LPT
Anu Plant May – par Vijay Ram & Henri Favory – pibliye par LPT
Award Artizan: Lalwa Travay par SILU-UASI – tradir par manb Lalit de Klas (prekirser LALIT), pibliye par Komisyon Sindikal Lalit de Klas.
Award Laburer: Lalwa Travay par SILU UASI – tradir par manb Lalit de Klas, pibliye par Komisyon Sindikal Lalit de Klas.
Award Konkasez: Lalwa Travay par CAWU – tradir par manb LALIT, pibliye par Construction & Allied Workers’ Union.
Biltin Sindika Anplwayed Mezon – ekrir par manb, e pibliye par Domestic Employees Union.
Bambous Health Project (tri-leng) – par manb BHP, pibliye par BHP.
Bidze, pu Ki? – par manb LALIT, pibliye par LALIT.
Biolozi Fam – par manb MLF avek lapor syantifik Ram Seegobin, e pibliye par MLF.
Bord Lamer – Henri Favory ek Lindsey Collen– pibliye par sindika travayer lepor PLHDWU.
Dayri Palestinn – ekrir par Ragini Kistnasamy, pibliye konzwintman par LALIT & MLF.
De-Trwa Not lor Aparteid par manb SOMAAP, pibliye par Solidarite Morisyin Anti-Apartheid.
Depi Sosiete kot ena Klas ziska Kominism – ekrir par Ernest Mandel, tradir par Lindsey Collen, pibliye par LALIT.
Diego Garcia in Times of Globalization – Seri Konesans pu tu Dimunn, ekrir par manb LALIT (bileng), pibliye par LPT.
Diksyoner Kreol-Angle – ekrir par LPT, avek travay editoryal Henri Favory ek Lindsey Collen, pibliye par LPT.
Diksyoner Kreol-Bhojpuri par Goswami Seetohul – pibliye par LPT.
Diksyoner Morisien par Arnaud Carpooran – pibliye par Editions Le Printemps.
Dekriminaliz Lavortman par manb MLF, pibliye par MLF.
Dorad Nimero 1 – 40 par LPT, pibliye par LPT.
Dorad (Edisyon spesyal Rodrig) 1 – 40 par LPT, pibliye par LPT.
Drwa de Lom pu Fam – ekrir par manb e pibliye par Muvman Liberasyon Fam.
Drwa Travayer par Ashok Subron, pibliye par LALIT.
Drwa Travayer ek Lalwa Travay, ekrir par Ram Seegobin LALIT pibliye par LALIT.
Dyalektik Materyalist par Ernest Mandel, tradir par Lindsey Collen, pibliye par LALIT.
Ekolozi ek Lanvironnman: Program LALIT, ekrir par manb, pibliye par LALIT.
Ekolozi Fraktire par John Bellamy Foster (tradir par Lindsey Collen), pibliye par LALIT.
En Tipti Diskioner Morisieh-Angle par Lorens Sofi, pibliye par Lorens Sofi.
Ennbuk Sindikal – ekrir par manb Labaz Intersindikal, pibliye par Labaz Intersindikal.
Eski Guvernman pe Tuy Bhojpuri & Kreol? Seri Konesans pu tu Dimunn, par T.Skutnabb-Kangas, tradir par Vina Balgobin, Lindsey Collen ek Devianand Narrain, pibliye par LPT.
Fam Lite Nimero 1-10, ekrir par so manb, pibliye par MLF.
Gid Medikal ekrir par Ram Seegobin, pibliye par BHP-LPT-MLF-Lagazet LALIT.
Gid Profeser Literesi par manb LPT, pibliye par LPT.
Gramer Kreol par Philip Baker pibliye par C Hurst & Co.
Internasyonalism ek Lalit Anti-Inperyalist – ekrir par manb LALIT, pibliye par LALIT.
IRA-POA – ekrir par so manb e pibliye par LALIT.
Kaya: Ant Sime Lamizer ek Sime Lalimier – text Kaya, travay editoryal par 8 akademik, pibliye par CSU.
Kestyon Ladrog (bileng) – ekrir par so manb, pibliye par LALIT.
Klas – Seri Konesans pu tu Dimunn, ekrir par Manb LALIT, edite par Alain Ah Vee, pibliye par LPT.
Kont Kominalism dan Sistem Best Luzer – ekrir par so manb, pibliye par LALIT.
Konvansyon ek Konser Anti-Kominalis – ekrir par so manb e pibliye par Muvman Anti-Kominalist.
Kreol & Bhojpuri Lang Maternel – pibliye par LPT.
Ki Bondye pe Demann Nu? pibliye par Watch Tower Pennsylvania, tradir Moris.
Ki Stratezi fas-a Kriz Sistemik? – par Ram Seegobin, Jean-Claude Bibi ek Oupa Lehulere, pibliye par LALIT.
Kifer Mwa Mo dan LALIT ekrir par Alain Ah Vee, pibliye par LALIT.
Kongre lor Langaz Kreol 1977 – ekrir par partisipan dan Kongre Plaza, pibliye par LPT.
Kont Privatizasyon – ekrir par so manb, pibliye par LALIT.
Krak Ekonomik, 13 Kestyon – ekrir par Ernest Mandel (tradir par Tony Li To Lun), pibliye par LALIT.
Kuma Gard Manze Lontah pibliye par para-etatik, Mauritius College of the Air.
Kur Ledikasyon Politik (lor diferan sosyalis revolisioner) – ekrir par so manb, pibliye par LALIT.
Kur pu Profeser (profeser literesi) – ekrir par so manb e pibliye par LPT.
Labrez – Program LALIT 1983, ekrir par so manb, pibliye par LALIT.
Labrez – Program LALIT 1987, ekrir par so manb, pibliye par LALIT.
Ladrog, Program LALIT 1986 – ekrir par os manb, pibliye par LALIT.
Lagazet Lalit de Klas Nimero 1- 111 – par LALIT– pibliye par LALIT.
Lagrev Ut 79 – ekrir par Ram Seegobin, pibliye par LPT.
Lalit kont Kominalism– ekrir par so manb, pibliye par LALIT.
LALIT so bann Demand Tranzisyonel – ekrir par Jean Claude Bibi, pibliye par LALIT.
Lalwa Travay – Seri Konesans pu tu Dimunn, ekrir par Ram Seegobin, pibliye par LPT
Lalwa Travay Zonn Frans – ekrir par manb Labaz Intersindikal, pibliye par Labaz Intersindikal-MLF
Lamor enn Verite Absoli – par Mansoor Lalla-Saib, pibliye par Safeenat-ul-Mustapha S.A.W.
Langaz Imin – ekrir par Derek Bickerton, tradir par manb LPT.
Langaz: ekrir par so manb, Program LALIT.
Langaz Kreol Zordi – Papye Kolok lor Langaz (2002), pibliye par LPT.
Langaz Kreol, Langaz Maron – ekrir par Emmanuel Richon, pibliye par LPT.
Ledikasyon: Program LALIT, ekrir par so manb, pibliye par LALIT.
Legaliz Lavortman par manb MLF, pibliye par MLF.
Lelvaz Lapin — par Philip Baker ek MCA, pibliye par Mauritius Collect of the Air.
Lemet Apre Lamor Kaya par manb LALIT, pibliye par LALIT.
Leta – Seri Konesans pu tu Dimunn, Leta edite par Rajni Lallah, pibliye par LPT.
Levanzil Mark an Kreol Morisien – tradir par Sosiete Biblik, pibliye par Société Biblique.
Liberasyon Fam: Program, ekrir par so manb, pibliye par LALIT.
Listwar Lagrev Ut 79 – ekrir par Rajni Lallah & Alain Ah Vee, pibliye par LPT.
Lor sime ver Krsna pibliye par The Baktivedanta Book Trust.
Lor Tras, enn liv kritik literer, pibliye par Muvman Liberasyon Fam.
Lortograf Kreol Morisien – ekrir e pibliye par Akademi Kreol Morisien.
Karne Servising/ Maintenance Book – ekrir par P.Ramdhony, pibliye par LPT (bileng).
Manifesto Marx & Engels – tradir par enn lekip dan Lalit de Klas, pibliye par LALIT
Manze pu Lepep – band-desine, text par Freres des Hommes, tradir e pibliye par LPT.
Mauritian Kreol in Seven Easy Lessons, par Mark Frew, pibliye par LPT.
MMM So Sosyalism: l’histoire d’une trahison – Lalit – pibliye par LALIT.
Natir Imin — Seri Konesans pu tu Dimunn, par Lindsey Collen, pibliye par LPT.
Natir de Klas Rezim o-Puvwar ek Lopozisyon – ekrir par so manb, pibliye par LALIT.
News & Views (nimero 1- 5), bileng, ekrir par so manb, pibliye par LALIT.
Nuvo Manifesto Fam ekrir par so manb, pibliye par Muvman Liberasyon Fam.
Nyuzleter LALIT No 1-3, ekrir par so manb e pibliye par LALIT.
Nuvel Fam Nimero 1 -12 ekrir par so manb, pibliye par MLF.
Pansyon: White Paper ekrir par manb Komisyon, pibliye par All Workers’ Conference.
Prevention of Terrorism Act, ekrir par so manb, pibliye par LALIT.
Privatizasyon: White Paper ekrir par manb Komisyon All Workers Conference, pibliye par All Workers’ Conference.
Prodiksyon Agrikol, Agro-Indistriyel & Elektrisite, ekrir par so manb e pibliye par LALIT.
Program pu Laliberte – ekrir par so manb e pibliye par LALIT.
Pu enn Sosyete san Klas, ekrir par Ernest Mandel, tradir par Lindsey Collen, pibliye par LPT.
Refleksyon MLF dan Dernye Enn An – ekrir par os manb, pibliye par Muvman Liberasyon Fam.
Repiblik, Program LALIT ekrir e pibliye par LALIT.
Revi LALIT, Nimero 1-146, ekrir par so manb, pibliye par LALIT.
Revi Literer No 1-2, ekrir par manb Sosyete Ekrivin Langaz Kreol, pibliye par LPT.
Ruls Mityel Aid (pu so manb) ekrir par so manb, e pibliye par Komite Statutory Bodies Mutual Aid Association Ltd.
Sians ek Konesans Pou Tou Dimounn par Lindsay Dhokit, Krishna Pentiah, Amena Rosun-pibliye par CSU
Sindika ekrir par so manb, pibliye par LALIT.
Sityasyon LALIT dan Politik Aktyel par so manb, pibliye par LALIT.
Sterilizasyon – Program LALIT lor kestyon, ekrir par so manb e pibliye par LALIT.
Ti-Liv LALIT, 1991 – ekrir par so manb, pibliye par LALIT.
Ti-Liv LALIT, 2007– ekrir par so manb, pibliye par LALIT.
Transpor: White Paper ekrir par so manb, pibliye par All Workers’ Conference.
Tu Seki enn Tifi Zonn Frans Bizin Kone – ekrir par so manb, pibliye par MLF.
Sexual Assault is Assault – bileng Kreol & Angle, ekrir par so manb, pibliye par MLF.
Sitwayin Fas-a Lalwa – ekrir par Jean-Claude Bibi, pibliye par LALIT.
Vilaz ek Lavil: Program Lalit – ekrir par so manb, pibliye par LALIT.
Vyol ek Vyolans – ekrir par so manb, pibliye par MLF.
Waseela en Creole par Mansoor Lalla-Saib – pibliye par LPT.
40 Mo Krwaze, par Alain Ah Vee, pibliye par LPT.