— Bonjour Mawsi. Ki ou nouvelle ?
— Thanks God I am well. Lakaz kot toi zot tu bien ?
— Lakaz tou korek, a part fraicheur ki pé donn bal. Mawsi, ki pé arrivé dans politique akot ou dans l’Angleterre ?
— Ayo, don’t talk about that. Politique ici finn vinn mové malang ! Plis pire ki dans Maurice mo dire toi.
— La mo na pa pou d’accord avec ou, Mawsi.
— Why are you saying that ? Ki finn arrivé encore ?
— Ou na pa koné ki CEO Mauritius Telecom finn demissionné ?
— Are you talking about Maharajah Singh ? Limem bannla ti dire li mari bon kamarad madam la ?
— Népli dire madam la asterla. Maharajah dire appelle li Lady Macbeth.
— Ah bon ! Koumsa Maharajah kozé asterla ? Li na pa ti kouma kalson-simiz avec Pravind ? What happened in the famous kitchen ?
— Mo pas kapav dire ou Mawsi. Dépi vendredi dernier sakenn pe tret so kamarad de menteur dans lagazet ek lor radio.
— But tell me one thing : the so-called Maharajah was the blue-eyed boy of Pravind and the kitchen chief, non ? Ki finn arrivé pou ki li finn rann so tablier ?
— Maharajah pé dire ki PM népli ékout so conseil et li pren bann mové décision pou pays.
— If I am not wrong, another Rajah said the same when he resigned from the MSM. To rappelle sa Beti ?
— Non. Kisannla ou pé kozé, Mawsi ?
— Rajah Bhadain do ta. To na pa rappelle li ? Li ousi li ti enn blue-eyed boy, mais pou SAJ, Pravind so papa.
— Non ou pé trompé Mawsi. Sa Bhadain ki ou pé kozé la li appelle Roshi, pas Rajah.
— Yes you’re right. Mo finn faire enn erreur lor so nom. Ki finn arrivé dépi ki Maharajah finn mett péché Ti-Crétin dehors ?
— Speaker finn anpes Leader de l’opposition poz question lor zafer MT et li finn expulsé bann député l’opposition dépi Parlement.
— I’t seems that this is his main occupation ! Li na pa finn donn l’opposition le temps faire enn walkout senn fois la !
— Mais Mawsi, li finn met tout bann membres l’opposition dehors enn seul kout !
— For what reason this time ?
— Parski zot finn kriyé « trahison » kan li fin anpes leader de l’opposition poz question supplémentaire.
— If I understand well, the situation “trahison” ousi finn vinn enn unparliamentary word pour sa Speaker-la. Manier sa pé allé, bientôt tou bann mot dictionnaire Oxford pou vinn unparliamentary dans Maurice !
— Ou éna raison Mawsi. Jamais finn gagne enn Speaker koumsa dans Maurice.
— Mais en tout cas Beti, séki pé passé dans Maurice pas pareil du tout avek séki pé passé ici.
— Raconte moi ki pé arrivé dans l’Angleterre, Mawsi.
— Sa mauvais Anglais potis la finn met nou dans trou. And he didn’t want to resign !
— Kisannla ou pé appelle mauvais Anglais potis Mawsi ?
— Boris the clown, the British Pinnochio, Boris Johnson, of course. Li pé faire le monde entier boufonne l’Angleterre.
— A ce point la Mawsi ?
— Ayo, what can I tell you ! Nou habitué sikann bann leaders politique africain ki na pa lé kit pouvoir. Boris parey kouma zott I tell you. Li enn bouffon.
— Sans vouloir rod la guerre avec ou Mawsi, faudrait pas ou bliyé ki ou finn vot pou li pou Brexit.
— Tout dimoune faire erreur dans la vie. Even her Majesty the Queen when she welcomed Meghan in her familly !
— Rare ça sa Mawsi, tann ou ad met ki ou finn fauté !
— Mo na pa kuma to Premier ministre moi. I confess I was wrong. Seulement laisse mo dire tou ki finn vote pou Boris zis pou faire to tonton, ki enn Labour, amerdé. Si mo ti koné…
— Mo na pa finn bien suiv sa zafer la, Mawsi. Ki Boris the clown finn faire koumsa ?
— Ayo : lots of things. He is a professional liar. Kan finn koné ki li ti al dans enn fête pendant confinement, li dir ki lagazet koz menti…
— Tous bann politiciens faire ça, Mawsi. Ou croire bann séki Maurice la zot plus korek zot ?
— I know, but Boris the clown is a master liar. Quand dire ki li ti al dans fête pendant Covid, li dire li na pa rappelle. Kan li piblié so photo dans fête avec enn verre dans so lamé, li dire ki li n apa ti koné ti enn fête sa.
— Koumsa li change version, Mawsi ?
— He is like your Pravind. Zot dire moi ki samedi li dire jamais li ti call Sheery Singh, et mercredi li vinn dire le contraire ! A côté Boris, Donald Trump enn ti baba dans koz menti. A la fin, devant bann preuves, li finn oblizé présente so excuse dans Parlement.
— Sa zafer fête la, pas enn vié zafer l’année dernière sa, Mawszi ?
— Yes, but since a lot of things against Boris have been discovered. Ena tellement case contre li so bann ministres ek bann membres gouvernement finn démissionné akoz li. And he is still there !
— Li resté mem, malgré tou sa bann démissions la ?
— Oui, mo dire toi. L’amour propre nai ba sa mauvais Anglais potiss la ! !
— Mais ki pou arrivé si li na pa démissionné comme Premier ministre ?
— I can’t tell you Beti. Akoz Boris le clown népli éna oken différence entre l’Angleterre et bann pays ki nou habitué donne leçons démocratie. Due to Boris the clown, UK is now like a banana Republic.
J.-C.A.