MICHEL DUCASSE
Set zetwal lor lamer briye dan gramatin
Sakenn so lalimier dan Losean Indien
Kouma frer kouma ser, nou tou nw’enn sel fami
Ena dan nou regar lorizon linfini
Dan liv zeografi, sakenn tras so zistwar
Ler nou koste ansam, nou vibre ar lespwar
Galoupe nou vini, les nou get pli divan
Partaze, selebre, fer nou leker kontan
Kan nou rezwenn lor lapis
LaRenion, Komor ek Moris
Mayot, Maldiv, Madagaskar
Sesel : get 7 pou pran depar !
Mem si lekours lavi zame pou arete
Nou bizin pran letan pou mark nou lamitie
Sakenn ek so nivo, me lame dan lame
Pena pli gran viktwar ki drapo linite
Kan nou rezwenn lor lapis
LaRenion, Komor ek Moris
Mayot, Maldiv, Madagaskar
Sesel : get 7 pou pran depar !
Tou bann zil ansam nou pli for
Pli zoli rekor se zefor
Gagne, perdi, seki konte
Se meday lamitie
* Ce texte a été mis en musique par Eric Triton. La chanson Meday lamitie a été interprétée par Cindia et Dariana Amerally, Clarel Armelle et Blakkayo, lors de la cérémonie d’ouverture des JIOI 2019