Bilan 100 zours

Bilan 100 zours
— Eta Ti-Louis, ki position ? Kifer to chiffoné koumsa ?
— Mo sorti dans enn ti zafer la.
— Sa qualité chiffonné to fine chiffonné-la Ti-Louis, mo croire to sorti dans enn grand zafer.
— Hey arrête veille mo zafer to fer bien. Ti zafer ou grand zafer c’est mo zafer.
— Hein, mo koné kot to sorti Ti-Louis. Dans fête 100 jours. Kot fine fer sa ? Dans Hennessy kouma l’année dernière ? Sa coup-là, Scheherazade pas fine là pou payé mo croire bien.
— Ki fête 100 zours to pé cause ? To gros lé coeur pé fermal mo trouvé. Dimounn gagne droit amizé dans sa pays-la non ?
— Pas zis amizé Ti-Louis, bizin travail oussi…
— Hein, pas pé travail là ? Zot dans l’actualité tous les jours.
— Ti-Louis quelle actualité ? Dopage continué, problème saigné, jockey coquin, lécourse annulé, GRA fer bye, sms pas passé, Shérif contesté, Clark Gable fine disparet lors map, Ti-Benoit encore pé roulé mem, pas pé capave trouve so successeur, bann caméra club toujours pas trouvé rien. Enfin, j’en passe…
— La routine quoi…
— Tu n’a jamais si bien parlé Ti-Louis. La routine, toujours et encore la routine.
— Mais selon toi ki pé coz beaucoup, to ti croire qui 100 zours après to la vie ti pou changé ? Bann séki fine croire dans sa dialogue la pou encore attann zot lavie sanzé 10 ans après.
— To péna tort Ti-Louis. Mais dire moi enn zafer, sa zafer to fine piké dans fête la, pas ti frelaté mo espéré…